Кожная сучасная дзяржава мае свае сімвалы, якія выказваюць яе палітычную самастойнасць і незалежнасць, гісторыю станаўлення і развіцця, нацыянальную самабытнасць.У адпаведнасці з артыкулам 19 Канстытуцыі Рэспублікі Беларусь сімваламі нашай краіны як суверэннай дзяржавы з'яўляюцца Дзяржаўны флаг, Дзяржаўны герб і Дзяржаўны гімн.08.05.2024 камісіяй агульнаадукацыйных дысцыплін было праведзена адкрытае выхаваўчае мерапрыемства ў форме інтэлектуальнай гульні «Дзяржаўная сімволіка Рэспублікі Беларусь”, прымеркаванае да Дня Дзяржаўнага герба, Дзяржаўнага флага і Дзяржаўнага гімна Рэспублікі Беларусь, які адзначаецца ў нашай краіне кожны год у другую нядзелю мая. Ён устаноўлены Указам Прэзідэнта Рэспублікі Беларусь ад 26 сакавіка 1998 г. № 157. У бягучым годзе гэта дзяржаўнае свята прыпадае на 12 мая.Навучэнцы прадэманстравалі зацікаўленнасць, добрае веданне Дзяржаўнай сімволікі Рэспублікі Беларусь, паважлівае стаўленне да гісторыі і культуры роднай краіны.
